Qazaxıstan və Türkiyə prezidentləri Ramazan bayramı  münasibətilə bir-birilərini təbrik edib, iki qardaş ölkənin xalqına sülh və firavanlıq arzulayıblar.

Operativ Media xəbər verir ki, həmsöhbətlər Qazaxıstan-Türkiyə strateji tərəfdaşlığının daha da möhkəmləndirilməsinə qəti sadiq olduqlarını təsdiq ediblər.

Telefon danışığı zamanı ticarət-iqtisadi, mədəni və humanitar sahələrdə ikitərəfli əməkdaşlığın təşviqinə kömək edən ən yüksək səviyyədə fəal siyasi dialoqun davam etdirilməsinin vacibliyi vurğulanıb.

 Bununla yanaşı, dövlət başçıları çoxtərəfli formatda sıx qarşılıqlı fəaliyyətin davam etdirilməsinin vacibliyini qeyd edərək, beynəlxalq təşkilatlar çərçivəsində keçiriləcək görüşlərin cədvəlini müzakirə ediblər.