“Mançester Siti”nin baş məşqçisi Xosep Qvardiola müdafiəçi Abdukodir Xusanov haqda fikirlərini bölüşüb.

"Operativ Media" xəbər verir ki, mütəxəssis klubun saytına açıqlamasında özbək futbolçunu tərifləyib:

“Onunla danışanda ancaq gülür. Eyni zamanda çox etibarlı oyunçudur. Sürəti var, meydanı yaxşı görür. Cəmi 20 yaşı var və təkmilləşməlidir.

Yaxşı sürəti olan oyunçular görmüşəm və Xusanov da onlardan biridir. Sakit durur, işini görür, nədənsə şikayətlənmir. İnanıram ki, azarkeşlərimiz də onu sevəcək. “Çelsi” ilə oyundakı səhvdən sonra psixoloji düzəlməsi asan olmadı, amma diqqətini buna yönəltdi”.

Xusanov qış fasiləsində “Lans”dan “Mançester Siti”yə keçib.