"Mançester Yunayted"in rəhbərləri skaut heyəti arasında böyük ixtisarlar planlaşdırır.

"Operativ Media" bu haqda "The Telegraph"a istinadən xəbər verir. Məlumatda, bunun, klubda növbəti ixtisarların bir hissəsi olduğu bildirilib.

Mənbə bildirib ki, klubun rəhbərləri London filialı və Honq-Konq kimi xaricdəki ofisləri də daxil olmaqla, dünya üzrə ofislərini bağlamağı da nəzərdən keçirirlər.

Daha əvvəl “Mançester Yunayted”in büdcənin azaldılması çərçivəsində işçilərin üçün pulsuz nahar yeməyini ləğv etdiyi yazılmışdı. Bundan əlavə, klub rəsmi saytında çoxlu sayda işçinin qarşıdan gələn ixtisarı və klubun qarşıdan gələn transformasiyası barədə məlumat yayıb.

26 oyundan sonra "Mançester Yunayted" 30 xalla Premyer Liqanın turnir cədvəlində 15-ci sırada yer alıb.