"Barselona"nın müdafiəçisi Ronald Arauxo zədələnib.

"Operativ Media" xəbər verir ki, uruqvaylı futbolçu İspaniya çempionatının 23-cü turunun “Sevilya” ilə oyunun 22-ci dəqiqəsində əvəzlənib. Saul Niqeslə mübarizədə yıxıldıqdan sonra o, matçı davam etdirə bilməyib.

Ronald Arauxo cari İspaniya çempionatında üçüncü oyununu keçirirdi. O, bu mövsüm bütün yarışlarda 8 matçda iştirak edib.

"Barselona" "Sevilya"nı 4:1 hesabı ilə məğlub edib.