İllər əvvəl gələcək vəd edən futbolçu olan Cavid İmamverdiyev uzun müddətdir futbolsuz qalıb.

Sonuncu dəfə "Kəpəz"də forma geyinən futbolçu klubun Premyer Liqaya vəsiqə qazanmasından sonra heyətdən kənar düşdü. Baş məşqçi Yaşar Vahabzadə Cavidin xidmətində maraqlı olmadı.

Ən parlaq dövrünü "Neftçi"də yaşayan Cavid İmamverdiyev Ukrayna nəhəngi "Dinamo Kiyev"in də radarına düşməyi bacarmışdı. "Dinamo"da baxışdan keçən futbolçu özünü doğrulda bilməmişdi. Daha sonra "Sumqayıt", "Sabah", "Keşlə" və son olaraq "Kəpəz" forması geyinən futbolçu özünə yeni klub tapa bilmir.

Sonuncu dəfə "Tik-Tok" sosial şəbəkəsində görülən futbolçu özünə yeni karyera qurmağa hazırlaşır. Bir vaxtlar böyük ekranda qollarını, asisstlərini izləyən azarkeşlərdən Cavid indi o ekranı "tıklama"larını istəyir.