Nazir müavini: Ermənistanın fərqli mövqelərdən çıxış etməsi sülhə mane olan səbəblərdən biridir

"Operativ Media" xəbər verir ki, bunu Azərbaycanın Xarici işlər nazirinin müavini Elnur Məmmədov Beynəlxalq Münasibətlərin Təhlili Mərkəzinin təşkil etdiyi "Azərbaycan-Ermənistan arasında sülh sazişinə başlıca maneə" mövzulu beynəlxalq konfransda deyib.

O qeyd edib ki, Azərbaycan sülhün prinsiplərini işləyib hazırlayıb:

"Azərbaycan və Ermənistan arasında sülh istiqamətində maneələrdən danışdıqda qeyd edilməlidir ki, 30 il Azərbaycan əraziləri Ermənistan işğalı altında olub. 2020 və 2023-cü illərdə ərazilərimiz işğaldan azad ediləndən sonra isə Ermənistana sülh barədə təkliflərimizi göndərmişik. Müharibədə qələbə qazanmış tərəf heç vaxt sülh təklif etmir, ancaq biz bu istiqamətdə addımlar atmışıq".

O bildirib ki, sülh müqaviləsinin imzalana bilməməsinin səbəblərindən biri masa arxasında Ermənistan nümayəndə heyətinin üzvlərinin fərqli mövqelərdən çıxış etməsidir:

"ABŞ, Rusiya, Qazaxıstanda sülh üçün danışıqlar aparılıb. Ancaq sülhün imzalanmasında maneə nədir ki, dayanıqlı sülh əldə olunmur? Birinci maneə odur ki, Ermənistanın Konstitusiyasında Azərbaycana qarşı ərazi iddialarının əks olunmasıdır. İkinci maneə isə masa ətrafında oturduqda Ermənistanın deliqasiyaları fərqli mövqeləri müdafiə ediblər".

E.Məmmədov vurğulayıb ki, Ermənistan Konstitusiyasında qeyd edilir ki, dövlətçiliyinin əsasları müstəqilliyinin elan edilməsidir, Ermənistan xalqının milli hədəflərini ehtiva edir. Ermənilərin milli ideologiyasıdır ki, Qarabağ Ermənistanın bir hissəsidir",-nazir müavini qeyd edib.

E. Məmmədov vurğulayıb ki, Ermənistan hökuməti 40 ildə öz sərhədlərini dəqiq olaraq müəyyən etməyib:

"İkinci Qarabağ müharibəsindən sonra bu məsələlər hələ də qalır, hələ də danışıq aparırıq ki, beynəlxalq məhkəmələrə bu cür məsələləri çıxarmamalıdırlar".