İctimai TV-də efirə gedən "Əqrəb mövsümü" serialı son günlər televiziya məkanında ən çox izlənən seriallar sırasındadır.

"Operativ Media" xəbər verir ki, layihənin baş prodüseri Yalçın Verdiyev iqtisadiyyat.az saytının sorğusuna cavab olaraq bildirib ki, serialın ümumi büdcəsi 249643.60 AZN-dir.  

Bu rəqəmə həm aktyorların qonorarı, həm rekvizitlərin alınması - bir sözlə bütün xərclər daxildir.

Y.Verdiyev həmçinin onu da əlavə edib ki, layihənin heç bir sponsoru yoxdur və qeyd olunan maliyə vəsaiti İTV-nin büdcəsindən ayrılıb.