Gürcüstandan olan müşahidəçi: Hər hansı məntəqədə təzyiq və ya kənardan müdaxilə faktı tərəfimizdən aşkar olunmadı

Müşahidə apardığımız 8 seçki məntəqəsində səsvermə prosesi zamanı heç bir pozuntu halı ilə rastlaşmadıq.

"Operativ Media" xəbər verir ki, bu fikirləri Gürcüstan parlamentinin komitə sədri İrakli Kadagişvili sentyabrın 1-də keçirilən parlament seçkiləri ilə bağlı danışarkən deyib.

Onun sözlərinə görə, səsvermə prosesi qanunauyğun təşkil edilmişdi və hər şey sakit mühitdə keçirildi: "Seçicilər öz iradələrini azad şəkidə ifadə edirdi. Eyni zamanda müşahidələrimizə əsasən səsvermə zamanda hər hansı məntəqədə təzyiq və ya kənardan müdaxilə faktı tərəfimizdən aşkar olunmadı".

Komitə sədri bildirib ki, nümayəndə heyəti olaraq Azərbaycanda parlament seçkilərini çox yüksək qiymətləndirirlər: "Çünki seçki azad və ədalətli şəraitdə baş tutdu".