Horadiz-Ağbənd dəmir yolu xəttinin tikintisi üzrə işlərin 57 %-i tamamlanıb

Horadiz-Ağbənd dəmir yolunun 110,4 km-lik xəttinin tikinti-quraşdırma işlərinin 57%-i, layihələndirilməsinin isə 83%-i tamamlanıb.

"Operativ Media" xəbər verir ki, bu barədə ADY məlumat yayıb.

Məlumata görə, burada regionun ən uzun dəmiryol körpüsünün, Azərbaycanın müstəqillik tarixində ilk qalereyanın (dəmir yolunu daş uçqunlarından qoruyan mühafizə örtüyü) və 1071 metr uzunluğunda tunelin tikintisi həyata keçirilir. 

Naxçıvanla birbaşa nəqliyyat bağlantısı təmin edəcək Horadiz-Ağbənd dəmir yolu həm daxili, həm də beynəlxalq daşımaların potensialını əhəmiyyətli dərəcədə artıracaq.