“Qarabağ”ın 2024/2025-ci illər mövsümündə UEFA Çempionlar Liqasının I təsnifat mərhələsində ilk potensial rəqibi məlum olub.

"Operativ Media" xəbər verir ki, Qurban Qurbanovun komandası səpələnməmişlərdə yer alacaq İslandiyanın “Vikinqur” klubu ilə üz-üzə gələ bilər.

Yarışa I raunddan qoşulacaq 6 komandadan yalnız adalılar səpələnməmişlər səbətində yer alacaq. Ağdam təmsilçisi 33,000 əmsalla mərhələnin ən yüksək reytinqə malik komandasıdır.

“Köhlən atlar” I mərhələni keçsə, II raundda da səpələnmişlərdə olacaq.

Çempionlar Liqasında I təsnifat mərhələsinin püşkü iyunun 18-də atılacaq.