Fevralda DSMF tərəfindən 26,6 minə yaxın vətəndaş müraciəti cavablandırılıb

2024-cü ilin fevral ayı ərzində Dövlət Sosial Müdafiə Fonduna (DSMF) ümumilikdə məktub, telefon zəngi və sosial şəbəkə hesabları vasitəsilə 26 min 579 vətəndaş müraciəti ünvanlanıb və cavablandırılıb.

Fondun mətbuat xidmətindən "Operativ Media"ya verilən məlumata görə, onlardan 24 min 23-ü rəsmi məktub və telefon zəngi, 2 min 556-sı isə sosial şəbəkə hesablarından daxil olan müraciətlərdir.