"Qalatasaray" Kristian Luyindama ilə yollarını ayırıb.

"Operativ Media" xəbər verir ki, bu mövsümün sonuna kimi müqaviləsi olan təcrübəli müdafiəçi ilə müqaviləyə qarşılıqlı razılaşma əsasında xitam verilib.

"Qalatasaray"da 79 matça çıxan 30 yaşlı futbolçu 5 qol vurub, 2 məhsuldar ötürmə edib.

"Sarı-qırmızılı" klub Luyindamanı 2018-2019-cu il mövsümünün fasiləsində "Standard Lyej"dən 3 milyon avroya icarə əsasında heyətinə qatmışdı. Luyindamadan razı qalan "Qalatasaray" daha 5 milyon avro ödəyərək futbolçunun transfer haqqını almışdı.