"Qarabağ”ın baş məşqçisi Qurban Qurbanov komandanın aparıcı üzvü Leandro Andradenin mümkün gedişini şərh edib. 

"Operativ Media" xəbər verir ki, bu gün “Zirə”yə qarşı keçirilən yoxlama oyunundan (4:0) sonra brifinq keçirən mütəxəssis futbolçuya görə Çinin "Şanxay Şenxua" klubundan təklif aldıqlarını təsdiqləsə də, hələlik Andrade ilə vidalaşmaq fikrində olmadıqlarını bildirib: 

“Bəli, Leandro Andradeyə görə Çindən rəsmi təklif var idi. Klub üçün də pis təklif deyildi. Lakin bizim hal-hazırda ona ehtiyacımız var. Ona görə də danışıqları maksimum çalışdıq ki, saxlayaq. Hələ ki, Andrade bizim futbolçumuzdur”.