Türkiyədə əsgərləri daşıyan avtobus aşıb, 2 nəfər ölüb, 4 nəfər yaralanıb.

"Operativ Media" xəbər verir ki, qəza, Şırnak-Uludere yolunda baş verib.

Türkiyə Silahlı Qüvvələrinin şəxsi heyətini daşıyan avtobus şarampole aşıb.

Əraziyə çoxlu sayda təcili yardım maşınları göndərilib. İlkin məlumata görə, 2 əsgər şəhid olub, 4 əsgər və avtobus sürücüsü yaralanıb. Müalicə olunan yaralılardan 4-nün vəziyyətinin ağır olduğu bildirilib.

Şırnak valisi Osman Bilgin də hadisə yerinə gedərək qəza ilə bağlı məlumat alıb.