Yəmənin paytaxtı Sanada yardım paylanması zamanı izdiham yaranıb.

"Operativ Media" xarici KİV-ə istinadən xəbər verir ki, ilkin məlumata görə, izdiham nəticəsində 79 nəfər ölüb, 100-dən çox insan yaralanıb.

Belə ki, Ramazan bayramı ilə əlaqədar Sanada bəzi iş adamları xeyriyyə məqsədilə pul paylamaq istəyiblər.

Lakin paylama zamanı izdiham yaşanıb. İzdihamda 79 nəfər həlak olub.

Xəstəxanaya çatdırılan yaralıların sayı 100-ü ötüb.

Hadisə ilə bağlı məsuliyyət daşıyanlar saxlanılıb, araşdırma başladılıb.