İmmobile karyerasını bitirməyə hazırlaşır. İtaliya millisinin 33 yaşlı üzvünü belə qərar verməyə keçirdiyi qəza vadar edir.

"Operativ Media" xəbər verir ki, “Latsio”nun həkimləri forvardın karyerasını davam etdirməsini sağlamlığı üçün təhlükəli hesab edir. Qabırğasındakı sınıqlar, üstəlik, onurğasındakı deformasiya gələcəkdə ciddi fəsadlara səbəb ola bilər. Hazırda davam edən müalicə prosesi yüzfaizli effekt verməsə, İmmobile fiziki yüklənmədən qaçmalıdır.

Xatırladaq ki, ötən günlərdə Çiro idarə etdiyi avtomobili tramvaya çırpmışdı. Nəticədə ciddi xəsarət alan hücumçu 10-a yaxın sərnişinin də zədələnməsinə səbəbkar olmuşdu.