Azərbaycan PL: "Zirə" Səbail"i, "Neftçi" "Qəbələ"ni qəbul edəcək

Bu gün Azərbaycan Premyer Liqasında 30-cu tura start veriləcək.

"Operativ Media" xəbər verir ki, turun ilk matçında "Zirə" doğma meydanda "Səbail"i qonaq edəcək. Turnir cədvəlinin son pillələrindən xilas olmaq üçün son şansları olan "Səbail"  komandası sonuncu turda "Sabah"ı məğlub etməyi bacarmışdı. Matç Bakı vaxtı ilə saat 17:30-da start götürəcək.

Günün 2-ci matçında "Neftçi" "Qəbələ"ni qəbul edəcək. "Baksell Arena"da baş tutacaq matç saat 20:00-da başlayacaq .