İngiltərə Premyer Liqasının 30-cu turunda "Liverpul" - "Arsenal" görüşündə (2:2) xoşagəlməz hadisə yaşanıb.

"Operativ Media" xəbər verir ki, oyunun ingiltərəli yan xətt hakimi Konstantin Hatsidakis ilk hissənin sonlarında "Liverpul"un futbolçusu Endryu Robertsonun boğazına dirsəklə vurub. 

İngiltərə futbolunda hakimliyin keyfiyyətinə cavabdeh olan təşkilat - PGMOL hakimin bu hərəkəti ilə bağlı qərar qəbul edib və onu cəzalandırıb. Hatsidakis araşdırma bitənədək işindən kənarlaşdırılıb. O, Premyer Liqa və ölkə kuboku oyunlarına təyinat almayacaq.