"Real Madrid" "Mançester Siti"nin yarımmüdafiəçisi Rodrinin transferi üçün ilk rəsmi addımı atıb.

Operativ Media xəbər verir ki, bu barədə tanınmış insayder Fabritsio Romano məlumat yayıb.

Mənbənin iddiasına görə, klublar arasında şifahi danışıqlara start verilib. Bildirilir ki, uzun müddət bağlı qalan transfer dosyesinin yenidən açılmasına "Real Madrid"in prezidenti Florentino Peres razılıq verib.

Madrid təmsilçisinin İspaniya millisinin üzvü üçün 50 milyon avrodan çox vəsait ödəməyə hazır olduğu vurğulanıb.