ABŞ Prezidenti Donald Trampın İslam Respublikası ilə atəşkəsin başa çatması barədə bəyanatları fonunda, İranın xarici işlər naziri Abbas Əraqçi Hörmüz boğazındakı vəziyyəti sultanlıq rəsmiləri ilə müzakirə etmək üçün iyulun 11-də Omana səfər edəcək.

Operativ Media xəbər verir ki, bu barədə İRNA agentliyi məlumat yayıb.

​Məlumata əsasən, danışıqlar zamanı əsas diqqət Yaxın Şərq regionundakı, xüsusilə Hörmüz boğazındakı mövcud vəziyyətə və ikitərəfli münasibətlər məsələsinə yönəldiləcək. Agentlik Əraqçinin Məsqətə səfəri çərçivəsində konkret olaraq kimlərlə görüşəcəyini dəqiqləşdirməyib.