Tokayev, həmçinin Qazaxıstan xalqını tarixi hadisə münasibətilə təbrik edərək qeyd edib ki, ölkə xalqı martın 15-də keçirilən referendumda yeni əsas qanunun lehinə səs verməklə, gələcək onilliklər üçün inkişaf üfüqlərini müəyyən edəcək taleyüklü seçim edib. 

"Ümummilli həmrəyliyin sarsılmaz monoliti kimi birləşərək, biz mütləq dünya sivilizasiyasının zirvələrini fəth edəcək və ədalətli Qazaxıstanı -istisnasız olaraq bütün vətəndaşların bərabər imkanlar və hərtərəfli inkişaf dövlətini quracağıq", - deyə Qazaxıstan prezidenti vurğulayıb.

Qeyd edək ki, Qazaxıstanın yeni konstitusiyası iyulun 1-də qüvvəyə minib. Qüvvədən düşmüş əvvəlki konstitusiya 1995-ci ildən bəri fəaliyyət göstərirdi və 30 il ərzində ona bir neçə dəfə ciddi dəyişikliklər edilmişdi. Yeni konstitusiya birpalatalı parlamentə keçidi, vitse-prezident postunun yaradılmasını, məsləhətçi orqanların islahatını və digər yenilikləri nəzərdə tutur.