"Araz-Naxçıvan" Tərlan Əhmədlini komandada saxladı

Transfer çalışmalarına başlayan “Araz-Naxçıvan” müqaviləsi başa çatan Tərlan Əhmədli ilə yeni anlaşma imzalayıb.

Operativ Media xəbər verir ki, bu haqda klubun mətbuat xidməti məlumat yayıb.

Qapıçı növbəti mövsümdə də Naxçıvan təmsilçisinin uğurları üçün çalışacaq. Onunla anlaşmanın müddəti 1 illikdir. 

Qeyd edək ki, T. Əhmədli 2024-cü ilin yayından klubumuzda çıxış edir.