Bakıda keçiriləcək UFC turnirinin biletlərinin satış tarixi açıqlandı

Dünyanın aparıcı qarışıq döyüş sənəti təşkilatı UFC yenidən Bakıda turnir keçirəcək.

Operativ Media xəbər verir ki, turnir iyunun 27-də Milli Gimnastika Arenasında baş tutacaq.

Gecənin əsas döyüşündə yüngül çəkidə reytinqin 9-cu pilləsində qərarlaşan Rafael Fiziev 14-cü sırada olan meksikalı nokaut ustası Manuel Torreslə üz-üzə gələcək.

Tədbirin biletləri mayın 15-i saat 10:00-dan etibarən iTicket üzərindən satışa çıxarılacaq. Fight Club üzvləri biletləri mayın 13-də, öncədən qeydiyyatdan keçən azarkeşlər isə mayın 14-də əldə edə biləcəklər.