Şahbaz Şərif: Pakistan–Azərbaycan tərəfdaşlığı güclənir

Pakistanın Baş naziri Şahbaz Şərif Prezident İlham Əliyev ilə Antalya Diplomatiya Forumu çərçivəsində keçirilən görüşlə bağlı sosial şəbəkə hesabında paylaşım edib.

Operativ Media xəbər verir ki, tərəflər Pakistan–Azərbaycan əməkdaşlığının daha da gücləndirilməsi ilə bağlı məhsuldar müzakirələr aparıblar.

”Antalyada keçirilən 5-ci Antalya Diplomatiya Forumu çərçivəsində əziz qardaşım Azərbaycan Prezidenti İlham Əliyevlə görüşməkdən xoşbəxtəm. Biz Pakistan-Azərbaycan tərəfdaşlığının daha da möhkəmləndirilməsi ilə bağlı məhsuldar müzakirələr apardıq və bu tərəfdaşlıq güclənməkdə davam edir”.