Bu ilin yanvar-avqust aylarında ölkənin metallurgiya sənayesi və hazır metal məmulatlarının istehsalı sahələrində 23,4 min ton emal edilməmiş metallar (qurğuşun, alüminium, sink, nikel və s.) istehsal edilib.

Dövlət Statistika Komitəsindən Operativ Media-ya verilən məlumata əsasən, 2024-cü ilin eyni dövrünün göstəricisinə nisbətdə istehsal həcmi 39,3 faiz və ya 6,6 min ton artıb.

Cari ilin iyul ayı ilə müqayisədə avqustda istehsal həcmində 2,6 faiz artım qeydə alınıb. Avqust ayında 4 min ton emal edilməmiş metallar istehsal olunub. Sentyabr ayının 1-nə hazır məhsul ehtiyatı 8,6 min ton təşkil edib.