Rusiya və ABŞ İstanbulda keçirilən məsləhətləşmələrdə diplomatların gediş-gəlişini və onların viza tələblərini asanlaşdırmaq üçün gələcək tədbirlər haqqında razılığa gəliblər.

Operativ Media xəbər verir ki, bu barədə jurnalistlərə Rusiyanın Vaşinqtondakı səfiri, səfirliklərin işindəki problemlərlə bağlı ABŞ ilə görüşdə Rusiya nümayəndə heyətinin rəhbəri olan Aleksandr Darçiyev bildirib.

“Diplomatların qəbul edən ölkədə hərəkət rejiminin asanlaşdırılması, eləcə də onlara viza rəsmiləşdirilməsi üzrə gələcək tədbirlər barədə razılıq əldə olunub”, - səfir söyləyib.