Gürcüstanda iş adamı Georgi Ramişvili qanunsuz olaraq odlu silah əldə etmək, saxlamaq və gəzdirmək ittihamı ilə saxlanılıb.

Operativ Media Gürcüstan mediasına istinadən xəbər verir ki, o, Tbilisi hava limanında həbs edilib.

Daxili İşlər Nazirliyi artıq həbsi təsdiqləyib, lakin digər təfərrüatlar məlum deyil.

Onu 6 ildən 10 ilə qədər həbs gözləyir.

Ramişvili ölkənin ən böyük telekommunikasiya şirkətlərindən biri olan "Silknet", "Euronews Georgia", "Silk Road Group" və digər şirkətlərin təsisçisidir.