Ukrayna komandanlığı “Aydar” silahlı birləşmələrini Kursk vilayətindəki Kurilovka istiqamətinə yerləşdirib.

Operativ Media xəbər verir ki, bu barədə TASS Rusiya güc strukturlarındakı mənbəyə istinadla məlumat yayıb.

“Düşmən “Aydar” silahlılarının yerləşdirildiyi Kurilovka ərazisindəki meşə sahəsindən Sucadakı qarnizonu üçün təchizat qurmağı planlaşdırır. Döyüşçülərimiz daha bir neçə kilometr irəliləyərək bu bölmənin bir neçə qrupunu artıq məhv ediblər”, - mənbə bildirib.

Qeyd edək ki, Rusiya ordusu bir neçə gündür Kurskda genişmiqyaslı hücum əməliyyatı aparır.