Mikayıl Cabbarov İsmayıllıda “Coca-Cola” şirkətinin təməlqoyma mərasimində iştirak edib

İqtisadiyyat naziri Mikayıl Cabbarov İsmayıllıda "Azerbaijan Coca-Cola Bottlers" şirkətinin yeni müəssisəsinin təməlqoyma mərasimində iştirak edib.

"Operativ Media" xəbər verir ki, bu barədə nazir "X" hesabında paylaşıb.

"Zavodun tikintisi şəffaf biznes mühiti fonunda birbaşa xarici investisiyaların regionlarımıza istiqamətlənməsinin daha bir göstəricisidir. Bu cür layihələr istehsal və ixrac imkanlarının artmasına, yeni iş yerlərinin açılmasına, texnologiyaların bölgələrə transferinə, regionlarımızın inkişafına böyük töhfə verir", - o qeyd edib.