Lənkəranda saxta uduşlu lotoreya dələduzluğu edən şəxs saxlanılıb

Lənkəran şəhəri ərazisində lotoreya satışı ilə məşğul olan obyektlərdən daxil olmuş müraciətlər əsasında Lənkəran polisinin keçirdiyi tədbirlər nəticəsində Yevlax rayon sakini əvvəllər məhkum olunmuş Ağəli Əliyev saxlanılıb.

"Operativ Media" xəbər verir ki, bu barədə DİN mətbuat xidməti məlumat yayıb.

Məlum olub ki, həmin şəxs lotoreya satılan 2 mağazaya özünün əvvəlcədən hazırladığı saxta "uduşlu" lotoreyaları təqdim edərək müxtəlif uduş məbləğləri alıb. 

Araşdırma zamanı saxlanılan şəxsin  narkotik vasitə aludəçisi olduğu da aşkarlanıb.

A.Əliyevin hazırda respublikanın digər şəhər və rayonlarında da analoji əməli törətməsi araşdırılır.