Vətən müharibəsində itkin düşən 6 hərbçiyə şəhid statusu verilib

"Həm Vətən müharibəsi dövründə itkin düşən 6 nəfərin, həm Vətən müharibəsindən sonra Laçın istiqamətində itkin düşmüş 2 əsgərimizin taleyinin müəyyən olunması qarşımızda duran əsas vəzifələrdən biridir".

"Operativ Media" APA-ya istinadən xəbər verir ki, bunu Əsir və itkin düşmüş, girov götürülmüş vətəndaşlarla əlaqədar Dövlət Komissiyasının katibi, İşçi qrupunun rəhbəri İsmayıl Axundov bildirib.

O qeyd edib ki, Vətən müharibəsi dövründə itkin düşən 6 nəfər Dövlət Komissiyasında itkin düşmüş şəxslər kimi qeydiyyata alınıblar. Qanunvericiliyin tələblərinə əsasən, onlara şəhid statusu verilib.