Bakı-Tbilisi-Qars dəmir yolunda işlərin tezliklə başa çatdırılması planlaşdırılır

Azərbaycan, Gürcüstan və Türkiyə Bakı-Tbilisi-Qars dəmir yolunda işlərin tezliklə başa çatdırılmasını müzakirə edirlər.

"Operativ Media" xəbər verir ki, “Azərbaycan Dəmir Yolları” QSC-nin rəhbəri Rövşən Rüstəmov Gürcüstandadır.

Səfərin məqsədi dəmir yolu xəttində aparılan tikinti və yenidənqurma işlərinin gedişi ilə tanış olmaqdır.

BTQ-nin genişləndirilməsi üzrə işlərə ötən il başlanılıb və bu ilin birinci rübündə tamamlanmaq üzrədir.

İlkin mərhələdə BTQ vasitəsilə yükdaşımaların həcmi ildə 6,5 milyon ton təşkil edəcək, həmçinin 1 milyona qədər sərnişinin daşınması nəzərdə tutulub.