Azərbaycan və Səudiyyə Ərəbistanı sənaye sahəsində birgə fəaliyyətin genişləndirilməsini müzakirə edib

İqyisadiyyat naziri Mikayıl Cabbarov Səudiyyə Ərəbistanı Krallığının energetika nazirinin neft və qaz texniki və tənzimləmə məsələləri üzrə müavini Məcid bin Hindi Aluteibi qəbul edib.

"Operativ Media" xəbər verir ki, bu barədə M.Cabbarov "X"də bildirib.

Görüşdə iki ölkə arasındakı iqtisadi əlaqələrinin dayanıqlı inkişafını təmin edən təşəbbüslər, investisiyaların təşviqi, bərpa olunan enerji və sənaye sahəsində birgə fəaliyyətin genişləndirilməsi imkanları barədə fikir mübadiləsi aparılıb.