Bir tərəfdən Çağlar Söyüncü transferini tamamlamaq istəyən "Fənərbağça" klubu, digər tərəfdən "Partizan"ın braziliyalı hücumçusu Mateus Saldanyanı heyətinə qatmağa çalışır.

"Operativ Media" Türkiyə mətbuatına istinadən xəbər verir ki, "sarı-lacivertli" klub Serbiya təmsilçisi "Partizan"a yeni təklif göndərməyə hazırlaşır.

Braziliyalı hücumçunu "Fənərbağça" klubu ilə yanaşı İtaliyanın "Torino" və İspaniyanın "Sevilya" klubu da heyətinə qatmaq istəyir.

Qeyd edək ki, Türkiyə klubu ilk  dəfə hücumçu üçün 6 milyon avroluq təklif göndərsə də, "Partizan" 10 milyon avrodan aşağı futbolçunu satmayacağını bildirmişdi