Mərkəzi Bank və Dünya Bankı arasında əməkdaşlıq perspektivləri müzakirə edilib

Mərkəzi Bankın sədri Taleh Kazımov Dünya Bankının (DB) nümayəndə heyəti ilə görüşüb.

"Operativ Media" xəbər verir ki, bu barədə Mərkəzi Bank məlumat yayıb.

Bildirilib ki, görüş zamanı DB-nin Azərbaycandakı cari fəaliyyəti, yeni Ölkə Tərəfdaşlıq Çərçivəsinin (ÖTÇ) (2025-2028) hazırlanması istiqamətində görülən işlər, yeni ÖTÇ-nin əhatə edəcəyi strateji istiqamətlər, investisiya layihələri, o cümlədən ölkəmizin inkişaf prioritetləri və planları üzrə fikir mübadiləsi aparılıb.

Eyni zamanda, Mərkəzi Bank və DB arasında gələcək əməkdaşlıq perspektivləri və həyata keçirilən texniki yardım layihələri müzakirə edilib.