Ötən il xarici ölkələrlə ticarət dövriyyəsinin həcmi azalıb

Ötən il Azərbaycanın xarici ölkələrlə ticarət dövriyyəsinin ümumi həcmi 51 milyard 184 milyon dollara çatıb.

Dövlət Gömrük Komitəsindən "Operativ Media"ya bildirilib ki, bu 2022-ci ilə nisbətən 2,9 faiz azdır. Belə ki, 2023-cü ildə ixracın həcmi 33 milyard 899 milyon dollar, idxalın həcmi isə 17 milyard 285 milyon dollar təşkil edib.

Bundan başqa, xarici ticarətdə 16 milyard 613 milyon dollarlıq müsbət saldo yaranıb. Bu da illik müqayisədə 29,6 faiz azdır.