Monteneqro Xarici İşlər Nazirliyi Rusiyanın Podqoritsadakı səfiri Aleksandr Lukaşiki nazirliyə çağırıb.

Operativ Media xəbər verir ki, bu, Rusiyanın 1 noyabrdan etibarən ölkəyə gələcək Rusiya vətəndaşları üçün viza rejiminin tətbiqinə verdiyi reaksiyadan sonra baş verib.

Monteneqro XİN bildirib ki, yeni viza siyasəti ölkənin milli maraqları və Avropa İttifaqı qarşısında götürdüyü öhdəliklərə əsaslanır və Rusiya vətəndaşlarına qarşı yönəlməyib.

Qeyd edək ki, Monteneqro noyabrın 1-dən Rusiya, Belarus, Çin, Türkiyə və Səudiyyə Ərəbistanı vətəndaşları üçün viza rejimi tətbiq edəcəyini açıqlayıb.

Rusiyanın Podqoritsadakı səfirliyi isə bu qərarı ölkənin xarici qüvvələrdən asılılığının göstəricisi kimi qiymətləndirib.