Braziliya yığmasının və "Santos" klubunun hücumçusu Neymar milli komandadakı karyerasını yekunlaşdırdığını bəyan edib.

​Operativ Media xəbər verir ki, 34 yaşlı futbolçu yığmadakı mərhələsinin bitdiyini bildirib. "Actu Foot" nəşrinin sitat gətirdiyi hücumçu komanda üçün hər şeyini verdiyini, lakin bundan sonra milli formada çıxış etmək istəmədiyini vurğulayıb.

​Qeyd edək ki, 2026-cı il dünya çempionatının 1/8 final mərhələsində Norveçə 1:2 hesabı ilə məğlub olan Braziliya yığmasının yeganə qolunu məhz Neymar vurub.

​2010-cu ildən milli komandada debüt edən təcrübəli hücumçu keçirdiyi 130 rəsmi matçda 80 qol vurub və 59 məhsuldar ötürmə edərək yığma tarixinin ən səriştəli bombardiri olub. Neymar Braziliya seçməsi ilə 2013-cü ildə Konfederasiyalar Kubokunu, 2016-cı ildə isə kapitan kimi Olimpiya Oyunlarının qızıl medalını qazanıb.