​"Liverpul"un sabiq baş məşqçisi Yürgen Klopp Almaniya Futbol İttifaqı (DFB) ilə müqavilə bağlayıb.

​Operativ Media xəbər verir ki, bu barədə insayder Fabrisio Romano məlumat yayıb. İddiaya görə, 59 yaşlı mütəxəssis 2030-cu ilə qədər Almaniya yığmasına rəhbərlik edəcək. Onun təyinatının iyulun 24-ü, cümə günü rəsmən açıqlanması gözlənilir.

​Xatırladaq ki, Almaniya Futbol İttifaqı iyulun 3-də 2023-cü ildən komandanı çalışdıran Yulian Nagelsmannın istefaya göndərildiyini bəyan etmişdi. Almaniya millisi onun rəhbərliyi altında DÇ-2026-nın 1/16 finalında Paraqvaya penaltilər seriyasında uduzaraq (1:1, penaltilər 3:4) mübarizəni dayandırıb.

​Məlum olduğu kimi, Klopp daha əvvəl "Liverpul"la yanaşı, Dortmund "Borussiya"sı və "Maynts" klublarında da baş məşqçi kimi fəaliyyət göstərib.