Türkiyə vitse-prezidenti Cevdet Yılmaz Azərbaycanın Ankaradakı səfiri Rəşad Məmmədovla görüşüb.

Operativ Media xəbər verir ki, bu barədə vitse-prezident sosial media hesabında paylaşım edib.

"Azərbaycanın Ankaradakı səfiri cənab Rəşad Məmmədovu səlahiyyət müddətinin başa çatması ilə əlaqədar yolasalma səfəri üçün Prezident Kompleksində qonaq etdik.

Ankarada işlədiyi müddətdə Türkiyə ilə Azərbaycan arasında qardaşlıq əlaqələrinin və strateji əməkdaşlığın möhkəmlənməsinə verdiyi dəyərli töhfələrə görə ona təşəkkür edir, gələcək həyatında və fəaliyyətində uğurlar arzulayıram.

İnanıram ki, cənab Məmmədov münasibətləri “bir millət, iki dövlət” anlayışı əsasında müttəfiqlik səviyyəsinə yüksəlmiş Türkiyə ilə Azərbaycan arasında sarsılmaz qardaşlıq və möhkəm əməkdaşlığın inkişafına bundan sonra da öz töhfəsini verəcək", - paylaşımda qeyd edilib.