Filippinin cənubunda baş verən 7,8 bal gücündə zəlzələ nəticəsində üç nəfər həlak olub, dörd nəfər yaralanıb.

Operativ Media xəbər verir ki, bu barədə Filippin Milli Polisi məlumat yayıb.

Məlumata görə, Mindanao adasının şimal və mərkəzi hissələrində məktəblər, xəstəxanalar və yaşayış evləri daxil olmaqla 37 binaya ziyan dəyib. Hazırda zərərin qiymətləndirilməsi davam edir, polis qüvvələri isə əhaliyə yardım göstərmək üçün səfərbər olunub.




08:10

Filippin yaxınlığında, Çelebes dənizində güclü zəlzələ qeydə alınıb.

Operativ Media xəbər verir ki, bu barədə Rusiya Elmlər Akademiyasının Vahid Geofizika Xidməti məlumat yayıb.

Məlumata görə, zəlzələnin episentri Mindanao adasındakı General Santos şəhərindən 44 kilometr cənub-qərbdə yerləşib. Episentrdəki təkanın intensivliyinə görə seysmik hadisə "fəlakət" səviyyəsində qiymətləndirilib.

ABŞ Geoloji Xidməti isə zəlzələnin maqnitudasını 7,8 bal, ocağının dərinliyini isə 35 kilometr olaraq müəyyən edib.