Türkiyədə avtobus yanıb, 8 nəfər ölüb

Türkiyənin Denizli vilayətində sərnişin avtobusunda yanğın baş verib.

Operativ Media xəbər verir ki, hadisə nəticəsində 8 nəfər ölüb.

Bildirilir ki, ölənlər arasında azyaşlı da var.

Hadisə ilə bağlı araşdırmalara başlanılıb.

Məlumata əsasən, avtobusda başlayan yanğın qısa müddətdə genişlənərək nəqliyyat vasitəsini tamamilə bürüyüb. 

Ölən və yaralananların şəxsiyyəti ilə bağlı məlumatların dəqiqləşdirildiyi qeyd olunur.