Konqoda baş verən yeni "Ebola" epidemiyası 65 nəfərin həyatına son qoyub
Konqo Demokratik Respublikasında "Ebola'' qızdırmasının yeni bir yayılması qeydə alınıb.
Operativ Media xəbər verir ki, bu barədə "BBC" məlumat yayıb.
Bildirilib ki, Afrika Xəstəliklərə Nəzarət və Profilaktika Mərkəzlərinin (Africa CDC) məlumatına görə, ölənlərin sayı 65-ə çatıb, şübhəli yoluxma hallarının sayı isə 250-yə yaxınlaşıb.
Qeyd olunub ki, ən ağır vəziyyət İturi əyalətindədir, burada Monqvalu və Rvampara qızıl mədən rayonlarında epidemiyalar aşkarlanıb. Ümumilikdə təxminən 246 yoluxma halı qeydə alınıb.
Afrika Xəstəliklərə Nəzarət və Profilaktika Mərkəzləri (CDC) Konqo Demokratik Respublikasının hakimiyyət orqanları, eləcə də Uqanda, Cənubi Sudan və beynəlxalq tərəfdaşların nümayəndələri ilə təcili məsləhətləşmələr apardığını bildirib. Diqqət cavab tədbirlərinə, ictimai səhiyyə tədbirlərinin gücləndirilməsinə və virusun sərhəddən kənar yayılmasının qarşısının alınmasına yönəlib.
