Özbəkistan prezidenti Qazaxıstana işgüzar səfər edib

Özbəkistan Respublikasının Prezidenti Şavkat Mirziyoyev Qazaxıstan Prezidenti Kasım-Jomart Tokayevin dəvəti ilə mayın 15-də Qazaxıstana işgüzar səfər edib.

Operativ Media xəbər verir ki, bu barədə "Uza" xəbər agentliyi məlumat yayıb.

Bildirilib ki, Mirziyoyev Türküstanda keçirilən Türk Dövlətləri Təşkilatının "Süni intellekt və rəqəmsal inkişaf" mövzusunda qeyri-rəsmi zirvə toplantısında iştirak edəcək.

Tədbir zamanı çoxtərəfli əməkdaşlığın, ilk növbədə ticarət və iqtisadiyyat, investisiya, nəqliyyat-kommunikasiya və ekologiya sahələrində daha da genişləndirilməsi, eləcə də rəqəmsal infrastrukturun inkişafı, innovativ texnologiyaların tətbiqi və süni intellektin praktik tətbiqi barədə danışıqlar aparılacaq.

Nümayəndə heyətlərinin rəhbərləri beynəlxalq və regional gündəlikdəki cari məsələləri də müzakirə edəcəklər.

Tədbirin sonunda Türküstan bəyannaməsinin qəbul edilməsi planlaşdırılır.