Tacikistan Prezidenti Çinə səfər edib

Tacikistan Prezidenti Emomali Rəhmonun şərəfinə Çin lideri Si Cinpin rəsmi qarşılanma mərasimi keçirib.

Operativ Media xəbər verir ki, bu barədə "Khovar" agentliyi məlumat yayıb.

Məlumata görə, Pekində baş tutan mərasimdən sonra iki ölkə liderinin təkbətək və geniş tərkibdə görüşləri planlaşdırılır.

Danışıqlar zamanı ikitərəfli əməkdaşlığın gücləndirilməsi, regionda təhlükəsizlik məsələləri və iqtisadi tərəfdaşlıq perspektivlərinin müzakirə ediləcəyi gözlənilir.