Türk Hava Yollarına məxsus təyyarə texniki nasazlıq səbəbindən təxliyə edilib

İstanbul-Katmandu reysini həyata keçirən Türk Hava Yollarına (THY) məxsus təyyarə uçuş-enmə zolağına endikdən qısa müddət sonra şassisində tüstü aşkar edildikdən sonra təxliyə edilib.

Operativ Media xəbər verir ki, bu barədə "TRT Haber" məlumat yayıb.

Bildirilib ki, Airbus A330 təyyarəsi uçuş-enmə zolağına endikdən sonra tüstü çıxdığı müşahidə edilib.

İlkin məlumatlara görə, təyyarənin hidravlik sistemində texniki nasazlıq olduğu bildirilib.

Hadisə nəticəsində xəsarət alan olmayıb.