Peskov: Rusiya Ermənistandan izahat istəyir

Moskva Ermənistanın Vladimir Zelenskinin anti-Rusiya bəyanatları səsləndirməsi üçün platforma təqdim etməsini normal hesab etmir.

Operativ Media xəbər verir ki, bunu Kreml sözçüsü Dmitri Peskov bildirib.

Onun sözlərinə görə, İrəvanda bu cür çıxışlara şərait yaradılması Rusiya ilə Ermənistan arasındakı münasibətlərin ruhuna uyğun gəlmir.

Peskov əlavə edib ki, Moskva bu məsələ ilə bağlı Ermənistandan izahat gözləyir.

Bununla yanaşı, o qeyd edib ki, Ermənistan istənilən tədbiri, o cümlədən Avropa İttifaqı ilə sammit keçirmək hüququna malikdir.