Əraqçi Rusiyaya səfər edəcək

İranın xarici işlər naziri Abbas Əraqçi aprelin 27-də Rusiyaya səfər edəcək və Moskvada Yaxın Şərqdəki vəziyyətlə bağlı danışıqlar aparmağı planlaşdırır.

Operativ Media xəbər verir ki, bu barədə İranın Rusiyadakı səfiri Kazım Cəlali məlumat verib.

Diplomatın sözlərinə görə, Əraqçi səfər çərçivəsində Rusiya rəsmiləri ilə danışıqların hazırkı vəziyyəti, atəşkəs məsələləri və regiondakı son hadisələri müzakirə edəcək.

Cəlali qeyd edib ki, İran və Rusiya arasında həm ikitərəfli münasibətlər, həm də regional və beynəlxalq məsələlər üzrə ortaq baxışlar mövcuddur və bu səbəbdən yüksək səviyyəli təmaslar mütəmadi xarakter daşıyır.