Ermənistan XİN-də Azərbaycanla münasibətlərin normallaşdırılması müzakirə olunub

Ermənistan Xarici İşlər Nazirliyində İctimai Şuranın ikinci iclası baş tutub.

Operativ Media xəbər verir ki, görüşdə qonşu ölkələrlə münasibətlərin normallaşdırılması, Ermənistan–Azərbaycan arasında sülhün institusionallaşdırılması istiqamətində görülən işlər, mövcud çağırışlar və onların həlli yolları da müzakirə olunub.

Nazir regional kommunikasiya xətlərinin açılması və genişləndirilməsinə yönəlmiş proqramların icrası barədə də danışıb.

Eyni zamanda, Yaxın Şərqdə baş verən son hadisələr də iclasın müzakirə mövzularından biri olub.