Ermənistanın Baş naziri Nikol Paşinyan Türk Hava Yolları (THY) şirkətinin Gümrü şəhərinə də uçuşlara başlaya biləcəyini açıqlayıb.
Operativ Media xəbər verir ki, Paşinyan bu barədə brifinqdə jurnalistlərə bildirib.
O, bunun yaxın vaxtlarda baş verə biləcəyinə ümid etdiyini qeyd edib.
Baş nazir xatırladıb ki, THY bu ilin mart ayından İstanbul–İrəvan–İstanbul marşrutu üzrə uçuşlara başlayıb.
Paşinyan əlavə edib ki, İrəvana uçuşların bərpası Türkiyə Prezidenti Rəcəb Tayyib Ərdoğan ilə Çində əldə olunmuş şəxsi razılaşmalar nəticəsində mümkün olub.
